man in the fridge

ang pag ibig daw ay isang palaisipan

di maaring sagutin ng madalian.

parang isang bangin na walang paroroonan

isang kamatayan na walang hangganan.

di raw madaling matagpuan

at di rin daw madaling iwasan

lilipas muna ang ilang taon

bago mo matutunan.

hindi raw ito basta emosyon ng isipan

di rin dala ng hangin ng kababalaghan

parang isang tanim kailangang alagaan

bago mo malaman kung ano ang hangganan.

walang oras na pininpili

di rin daw nagsasabi ng tama o mali

kaligayahan sa takdang oras

ay di dapat lumipas.

ngunit parang buhangin sa bukas na palad

di mo dapat ikuyom

upang sa pagdating ng panahon

ay di ka mauubusan.

pag ibig sa panahon ng digmaan

ay tulad ng bagyo sa dulo ng walang hanggan

umaasa sa katapusan ng unos

may isang puso na hindi mabibigo.

kadalasan, sa pagiging mapusok

ang naiiwan na lamang ay mga salita

ang tunay na pagibig ay nawala nang bula

di mo namalayan, at di mo naramdaman.

darkmau

MALAYA!

This entry was posted on Thursday, December 21st, 2006 at 5:10 am and is filed under Uncategorized. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.