man in the fridge

ako ba ay produkto ng imahinasyon

ng nagsukob na damdamin?

inabot ang panahon ng pagkalas,

upang sa sinapupunan, makatakas?

ako ba ay daluyan ng nagdudugtong na buhay,

ng kamalayan na nahimlay?

o isang pagkakamali sa gabing di malilimutan,

iwaglit man o itapon sa kawalan.

ako ba ay katotohan ng mahalay na pawis,

tumulo sa gabing pagpapasabog,

ng masidhing pagnanasa

sa espasyo pumapagitna?

ako ba ay buhay na binigyan ng taning?

o isang elemento lamang ng mas malaking teatro?

ako ba ay ako at hindi puedeng maging ikaw,

sa saliw ng panglabas na kaanyuan,

sino nga ba ako,

at bakit hindi tayo naging pareho?

ako ba ay tao o hayop?

isang bang lipunan ang aking kinabibilangan,

o isang kagabutan rin,

na puno ng karahasan,

upang mapahaba ang lamang ang sangkatauhan?

ano ang meron sa akin, na meron sa iyo?

ano ang may halaga sa bawat araw?

may hangganan ba ang pagpanaw?

-

darkmau

MALAYA!

This entry was posted on Thursday, June 7th, 2007 at 10:38 am and is filed under Uncategorized. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.