hanggang sa hanggang
ikaw ang langit sa lupang hagkan
ilaw sa dilim ng aking dinadaaan
sa iyo ang aking bukas,
bumubuhay sa ngayon,
at nagtatanggal sa mapait na kahapon.
ikaw ang pangarap na dumating,
na kay tagal inasam.
taglay ng iyong ngiti,
ang payapang pagbati,
sa bukas at kahapon,
kailanman di na hihikbi.
sa iyo iaalay ang natitirang buhay,
hanggang sa dulo ng hangganan,
ikaw at ikaw lamang,
ang magmay-ari sa nagiisang ako.
sa pangakong sa Poong Maykapal inaalay,
na sa iyo at iyo lang ang puso’y mabubuhay,
at tuluyang mahihimlay.
_
para kay raissa. happy!
-darkmau
MALAYA!
